Откриен непознат предок на човекот

by **GBL** Чет Мар 25 2010, 21:38

Досега непознат вид на хоминид кој живеел пред околу 40.000 години е идентификуван на Сибир со помош на малку ДНК пронајдена во делче на коска и упатува на постоењето на изгубена линија на предци на човечкиот род, објавија вчера германски научници

Откриен непознат предок на човекот Alt

Хоминидот, од кого е пронајдено делче од прст во 2008. во пештерата во Денисов, на Алтајската гора, наводно живеел во исто време како и неандерталците и модените луѓе.

Станува збор за до сега непознат тип на хоминид, според Јоханес Краусе од институтот Макс Планк за еволуциска антропологија од Лајпциг, Германија и неговите колеги кои анализирале дел од неговата митохондриска ДНК.

Тие за магазинот Nature изјавија дека би требало да се вратиме милион години наназад доколку сакаме да пронајдеме заеднички предок на хоминидот од Денисов, модерниот човек и неандерталците.

Новиот хоминид наводно е потомок на посебен миграциски род од афричкиот континент, поразличен од предците на неандерталците и хомо сапиенсот.

До неодамна се претпоставуваше дека токму неандерталците и хомо сапиенсот се единствените претставници на човечкиот род кои живееле пред 40.000 години. Откривањето на малиот човек на индонезискиот остров Флорес во 2003. чиј најмлад фосил е стар 13.000 години упати на постоење на трет човечки вид, а хоминидот од Денисов би можел да биде четвртиот изумрен вид и поради тоа „потребна е ревизија на историјата на човечкото постоење во Евроазија“, истакнува британскиот стручњак Теренс Браун во коментар за Nature.